Blend it like BeckhamÆvar Þórólfsson

Þá er Beckham blessaður kominn til Ameríku. Og kominn á Herbalife. Bara snilld. Nú er það ekkert Bend it like Beckham heldur Blend it like Beckham. Nú geta allir blandað sheik eins og Beckham. Best að hringja í hann á morgun og fá uppáhaldsuppskriftina.

Sem dreifingaraðila Herbalife fannst mér frábært að sjá allar þessar fréttir. Svo sést nær eingöngu HERBALIFE framan á treyjunni hans svo það er eins og hann hafi verið að skrifa undir samning hjá þeim frekar en LA Galaxy. Vonandi eiga bara sem flestir eftir að prófa vöruna í kjölfarið og bæta þannig heilsuna. Ekki veitir af.

Vilt þú kannski prófa? Sendu mér þá skeyti á aevarth@simnet.is og fáðu frían prufupakka. Þá getur þú blandað eins og Beckham .

Dæmisaga um varkáran mannÆvar Þórólfsson

Oft er nauðsynlegt að taka smá áhættu. Alla vega ekki lifa endalaust í örygginu. Öryggið getur svo sem verið voða þægilegt, en það gefur okkur bara ekki mikið. Það gefur okkur hvorki lífsreynslu né þær tekjur sem við myndum vilja hafa né þann lífsstíl sem við myndum vilja lifa.

Auðvitað má ekki endalaust kasta allri varúð út í veður og vind, en oft er nauðsynlegt að stíga aðeins út úr þessum þægindahring sem margir hafa mótað í kringum sig. Gera eitthvað sem lætur mann finna fyrir lífinu.

Af þessu tilefni hendi ég hér inn smá dæmisögu í hálfbundnu máli. Þessi dæmisaga er eftir Denis nokkurn Waitley, að ég held, en hann er mikill snillingur sem getur veitt manni gríðarlegan innblástur. Enda hefði hann ekki verið motivational coach eða hugarfarsþjálfari fyrir bandarísku Ólympíufarana ítil fjölda ára nema eitthvað væri í hann spunnið.

Alla vega, hér er dæmisagan. Ég klambraði henni yfir á íslensku fyrir þá sem eru ekki það sleipir í enskunni.

A parable of a cautious man

There was a very cautious man who rarely laughed or cried
He never won, he never lost, he never really tried
Then one day he passed away his insurance was denied
They claimed because he never lived he never really died

Dæmisaga um varkáran mann

Eitt sinn varkár maður var sem sjaldan hló eða grét
Tók aldrei séns, misst’aldrei neitt, sér ekkert eftirlét
Einn dag hann gaf upp öndina, en bætur enginn sá
Þeir sögðu fyrst hann lifð’aldrei, hann gæt’ei fallið frá

Svo á Denis Waitley líka þessa frábæru setningu: Risk taking is security making! Sem sagt, ef maður vill alvöru öryggi, t.d. fjárhagslegt, þá er nauðsynlegt að taka smá áhættu.

Kv.
Ævar óvarkári.

Fimm lykilatriði þyngdarstjórnunarÆvar Þórólfsson

Í flestu sem við tökum okkur fyrir hendur eru bara nokkur grundvallaratriði sem skilja mili feigs og ófeigs. Við þyngdarstjórnun eru þessi atriði fimm talsins, að mínu mati.

1. Agi
Það er nauðsynlegt að beita sjálfan sig aga, annars mun ekkert ganga. Bara einn diskur. Bara einn nammidagur. Alltaf að pæla í mataræðinu. O.s.frv. Það skal þó hafa í huga að best er að byrja á litlu atriðunum og færa sig smám saman yfir í þau stærri. Allsherjarbylting er oftast dæmd til að mistakast. Einnig er gott að hafa í huga að agi er ekki leiðinlegur nema maður líti svo á hann. Ég lít aga hins vegar öðrum augum. Agi er ekki afþreying sem hægt er að flokka sem leiðinlega eða skemmtilega. Agi er meira í ætt við súrefni.

2. Prótein
Flestir fá allt of lítið prótein. Við þurfum prótein í allar máltíðir. Prótein heldur okkur söddum lengur. Það orsakar ekki blóðsykurfall, eins og kolvetni gerir, en blóðsykurfall er orsakavaldur nartþarfarinnar. Svo stækkar prótein vöðva og eykur þannig grunnbrennslu líkamans. Sem sagt, nóg af próteini og hlutirnir fara að ganga.

3. Vatn
Áhrif vatns við þyngdarstjórnun eru mögnuð og margvísleg. Aukið vatn þýðir meiri vatnslosun, þá fer bjúgur. Vatn bætir meltingu og úrvinnslu næringarefna. Vatn bætir virkni flestra líffæra, til dæmis hæfni lifrar til að vinna orku úr fitu í stað þess að geyma hana. Drekkum því nóg af vatni. Lágmark 8 glös/2 lítra á dag.

4. Hreyfing
Segir sig sjálft. Næring hefur reyndar meiri áhrif, eða um 60% á móti 30% áhrifa hreyfingar (svefn telur svo síðustu 10%). En hreyfing hefur svo mikil langtímaáhrif. Með stækkun vöðva eykst grunnbrennsla og líkaminn á þá auðveldara með að takast á við aukna inntöku. Hreyfing er okkur líka nauðsynleg til að móta líkamann og gera hann stinnari, en á því sviði hefur næring takmörkuð áhrif. Svo hefur hreyfing líka svo góð áhrif á hjartað og flesta aðra líkamsstarfsemi.

5. Þrautseigja
Án þrautseigju er fólk dæmt til jójó-kúra. Í raun á ekki að vera til neitt sem kallast megrunarkúr. Það eina sem dugir er breyttur lífsstíll, sem er þó hægt að stunda með mismunandi áherslu eftir þörfum. Eingöngu með breyttum lífsstíl er hægt að ná fram langtímaáhrifum. Breyttur lífsstíll krefst þrautseigju. Taka ákvörðun og hætta aldrei. Þó maður misstígi sig, þá hættir maður ekki. Maður heldur bara áfram þar sem frá var horfið.

Ef þessar grunnreglur verða hluti af þínu lífsviðhorf þá nærð þú árangri. Punktur.

HeilaheilsaÆvar Þórólfsson

Undanfarið hefur heilinn á mér tekið stakkaskiptum. Alla vega hvernig hann starfar. Ég hugsa orðið öðruvísi. Allt öðruvísi. Og það er gott.

Stundum gleymist það að til að ná árangri í nokkru þarf andleg heilsa að vera í góðu jafnvægi. Ef hausinn er illa skrúfaður á þá er lítil von að nokkuð takist eins og til var ætlast. Það er sama hvort átt er við fjármál, líkamsrækt, vinnu, barnauppeldi eða hjónaband, ekkert af þessu gengur almennilega upp ef heilinn er haltur.

Þá kemur hins vegar vandinn. Hvernig heldur maður kollinum klárum? Er hægt að æfa sig í að ná meira jafnaðargeði? Jafnvel bregðast öðruvísi við tilteknum aðstæðum? Er þetta ekki bara harðvírað í heilanum?

Æfing. Já. Já. Nei.

Til að halda kollinum klárum þarf maður að æfa sig. Það geri ég t.d. með því að hlusta á uppbyggilegt efni. Hlusta á snillinga eins og Jim Rohn, Dale Carnegie, Brian Tracy, Denis Waitley, Jerry Clark o.fl. o.fl. Nokkuð sem ég hélt að ég myndi aldrei gera fyrir um ári síðan. Þá hafði ég enga trú á að nokkuð svona efni væri gagnlegt. Væri bara tímasóun. Peningasóun. Vitleysa fyrir aumingja sem væru sífellt leitandi að "réttu lausninni" en gerðu aldrei neitt. En viti menn. Sjálfur gerði ég svo sem lítið af viti. Og var í verra ástandi en "aumingjarnir" því ég leitaði ekki.

Leitaðu og þú munt finna, stendur einhvers staðar. Loksins leitaði ég. Og fann. Ég fór að lesa þessa kalla og hlusta á þá. Hlustaði svo meira. Og meira. Og nú er eitthvað að gerast. Það er frábær tilfinning. Hausinn er betur stemmdur. Meira jafvægi í kollinum. Nú þarf meira til að þrýsta mér niður. Og ég er fljótari upp aftur. Þetta er rosalegt.

En það er ekki nóg að hlusta og lesa. Maður þarf að pæla í efninu. Fara eftir því. Breyta sjálfum sér. Smátt og smátt. Þetta gerist ekki á einni nóttu. En það kemur.

Lykillinn sem ég hef fundið er að byggja upp sjálfstraust. Það geri ég með því að setja mér lítil markmið í einu og klára þau. Taka 60-90 armbeygjur á hverju kvöldi. Alltaf! Fara aldrei að sofa fyrr en búið er að ganga frá uppþvottavélinni. Nei, aldrei! Ganga strax frá eftir mig. Alltaf! Bara þessi smáatriði. Þau gera rosalega hluti fyrir sjálfstraustið. Þetta hefur í raun tvöfalda virkni. Annars vegar verður maður ánægður með sjálfan sig fyrir að hafa klárað þessi verk. Hins vegar þarf maður ekki að draga sjálfan sig niður á kvöldin fyrir að hafa ekki gert þessi einföldu verk. Það er nauðsynlegt að fækka þeim atriðum sem draga mann niður. Þá getur maður tekið tvö, jafnvel þrjú, skref áfram á móti einu aftur á bak. Áður var þetta alltaf skref fyrir skref. Alltaf jafnvægi. Status quo. Núna byggist ég upp. Smátt og smátt.

Væntanlega eru fleiri leiðir til. Þetta virkar hjá mér. Hlusta. Lesa. Lítil markmið sem ég klára. Þá veit ég líka að ég get sett mér stærri markmið. Allt á uppleið. Heilinn er heill heilsu. Hausinn skrúfaður rétt á. Vá hvað það er góð tilfinning. Núna held ég ekki að velgengni bíður mín. Ég veit það!

Vor í loftiÆvar Þórólfsson

Nú er svo sannarlega vor í lofti. Gróðurinn er allur að taka við sér, sólin hefur aðeins skinið á okkur og fyrsta hitabylgjan hefur þegar skollið á norðausturhluta landsins. Reyndar smá snjóföl í hálendi Kópavogs og Garðabæjar í morgun, en hún bráðnar fljótt.

Sumrin eru okkur bráðnauðsynleg. Þá fáum við tækifæri til að hlaða batteríin í sumarfríum og koma þannig endurnærð inn í haustið. Þó er synd að þegar við höfum endurnært andlegu hliðina yfir sumarið þá er allt of algengt að líkaminn er ekki í jafn góðu ástandi. Okkur hættir nefnilega til að vera helst til “of góð” við okkur á sumrin. Aðeins of mikill bjór. Sama má segja um vínin rauðu og hvítu. Þá er ekki lengur hætta á kalsárum við að fá sér ís. Grillsteikurnar með rjómasósu og bakaðri kartöflu með smjöri eru líka oftar á matseðlinum. Og svo framvegis.

Þetta er reyndar skiljanlegt, svona eftir vetrardrungann. En það er hægt að gera þetta á annan hátt og koma þannig með líkamann jafn vel undan sumri og andann. Þannig nær maður líka að nýta batteríin betur yfir veturinn. Meiri kraftur, betri ending. Það er nefnilega ekki nauðsynlegt að máltíðir innihaldi hitaeiningar í þúsundatali svo þær sé ljúffengar. Það er hægt, og er meira að segja frekar auðvelt, að gera vel við sig í mat og drykk á hagkvæman, og í raun frábæran, hátt fyrir líkamann.

Á sumrin er alltaf talað um íslenska grænmetið, enda er það aldrei betra en á þessum tíma. Svo sem lítil ný sannindi hér. Prófaðu núna að geyma sem mest af þessu upp á borði frekar en inni í ísskáp. Ég er viss um að það skemmist jafnvel síður, því það mun alltaf klárast svo fljótt. Maður fær sér nefnilega mun frekar ávexti og grænmeti ef það situr á borðinu fyrir framan mann!!

Stórsteikur með rjómasósu eru ekki nauðsynlegar þegar á að grilla. Hvernig væri að nota sumarið til æfinga á fiskgrillun? Til dæmis lax með engiferi eða lúðu í álbögglum með sítrónu, rauðlauk og ólífum. Þessar máltíðir eru mun hollari og léttari í maga en stórsteikurnar. Líka ódýrari. Hafa sem mest af grænmeti í meðlæti. Hafa svo heimagerða kalda sósu, t.d. sýrður rjómi (5%) með hvítlauk, smá sinnepi, sítrónu og steinselju. Miklu betra og hollara en bragðlausa majonessullið sem fæst útí búð.

Eftirrétturinn þarf heldur ekki að gera út af við mann. Jarðaber og bláber með sýrðum rjóma sem hefur verið hrærður upp með fræum úr vanillustöng eða vanillusykri. Gerir ísinn og rjómann alveg óþarfan. Svona oftast alla vega.

Auðvitað má stundum leyfa sér óhollustuna. Óhollustan má bara ekki verða að meginreglu. Nammidagur einu sinni í viku. Kannski tvisvar í sumarfríinu. Nammidagur sjö daga vikunnar er hins vegar afleit hugmynd. Bæði líkami og veski þjást fyrir slíkan lifnað.

Þá er gott að huga að smáatriðunum. Success is in the details, hefur oft verið sagt. Fá sér bara einu sinni á diskinn. Ekki nota mikla hamborgarasósu, prófa kannski salsasósu í staðinn. Setja hvítlaukssósuna (þessa með sýrða rjómanum) í bökuðu kartöfluna frekar en að drekkja henni í smjöri (sem vel á minnst er með yfir 80% fituinnihald). Fara varlega í reykta matinn, svo sem svínakjötið og pylsurnar. Prófa svo Lite/Light bjór í stað þess venjulega. Þá má benda á þá gullnu reglu að fá sér tvö vatnsglös fyrir hverja máltíð!

Að endingu má minna á að þegar farið er í ferðalag, hvort sem það er innlands eða utan, þá er ekkert lögmál sem segir að á hverju kvöldi skuli vera stórmáltíð. Eða stórmáltíð þrisvar sinnum á dag ef út í það er farið. Okkur finnst það kannski gott, en við höfum bara ekki gott af því! Það á ekki að þurfa samviskubit og stíft prógramm fram að jólum til að bæta upp fyrir þriggja vikna sukkveislu um sumarið.

Sjálfur hef ég prófað léttu leiðina. Ég tók bara minn næringarsheik með í ferðalagið. Hafði fyrir vikið meiri tíma með börnunum og í skoðunarferðir (fljótlegar máltíðir). Var svo um 8 kílóum léttari í ágúst miðað við maí og kom uppfullur af orku inn í veturinn. Þetta mun ég hiklaust gera aftur þetta sumar.

Verum skynsöm í sumar.

Treat your body like a temple, it’s the only place you have to live!!

Ókeypis næringarráðgjöfÆvar Þórólfsson

Viltu fá ókeypis næringarráðgjöf og upplýsingar um hvernig Herbalife vörurnar geta hjálpað þér að ná betri árangri? Farðu þá á www.heilsufrettir.is/berglindogaevar/healthapplication, fylltu út grunnupplýsingar og fáðu senda heilsuskýrslu. Ég mun svo hafa samband fljótlega og ráðleggja þér í samræmi við þín markmið.

Annars er nýr fræðslupistill væntanlegur fljótlega. Vonandi.


Kv.
Ævar.

Skilningslaust nördÆvar Þórólfsson

Það er margt sem ég skil ekki í þessum heimi. Hvers vegna er töff að velja óhollustu fram yfir hollustu? Ef karlmaður fær sér salat í matinn eða drekkur light bjór er oft gert grín að honum. Djókararnir fá sér þá karlmannlegan hamborgara og franskar og venjulegan bjór með, helst með sem hæstri áfengisprósentu. Hvað er töff við það?

Reyndar er þetta viðhorf á undanhaldi. Samt er stór hluti, sérstaklega karlmanna, enn gegnumsýrður af því. Þarna eimir af gamla viðhorfinu um að menn verði að vinna erfiðisvinnu. Annað er aumingjalegt. Meginstefið virðist vera að misbjóða líkamanum. Drykkjukeppnir. Slagsmál. Metingur um hver getur borðað mest. Æði. Liggja svo gamall, þreyttur, boginn, beygður og sílspikaður í sjúkrarúmi þegar menn nálgast sextugt. Draumur í dós.

Þetta viðhorf hefur margar birtingarmyndir. Sumir forðast allt sem hefur hollustustimpil á sér. Ekki veit ég af hverju. Hljóta að missa kúlið ef svo mikið sem kálblað hættir sér inn fyrir varir þeirra. Sumir einfaldlega kenna sig við óhollustuna. Drekka sko alvöru kók, ekkert helvítis dæjet drasl. Eru kók megin í lífinu, eins og auglýsingin segir. Pulsa sig svo upp. Töff að fá sér kók og pylsu. Sykurleðja með maukuðu og aukaefna- og saltfylltu afgangskjöti. Frábært. Þeir alverstu ganga svo um í bolum merktum Coca Cola og SS. Kannski eins gott svo maður þekki allra verstu bjánana frá öðrum.

Samkvæmt þessu er ég eymingi með hor.
Nörd.
Það er ágætt.
Ég fíla að vera nörd.

PróteinfælniÆvar Þórólfsson

“Nei, þetta er alltof mikið prótein fyrir hann” heyrðist í læknanema einum þegar tengdapabbi var að forvitnast um Herbalife sheikinn. Þetta heyri ég reyndar oft. Þ.e. áhyggjur um að smá aukaprótein eigi bara eftir að steindrepa mann. Nýrun fara. Lifrin með. Allt í steik. Hmm....ættum við þá ekki að forðast próteinríkar steikur?

Þetta viðhorf kalla ég próteinfælni. Ekki veit ég hvaðan hún kemur. “Maður lést af of stórum próteinskammti” er ekki algeng fyrirsögn dagblaðanna. Ekki þekki ég neinn sem hefur orðið meint af próteini. Ekki þú heldur, er ég nokkuð viss um.

Fólk forðast próteinið en vílar ekki fyrir sér að gluða í sig einföldum kolvetnum (t.d. pasta, sykur og hveiti). Það er allt í lagi. Ha? Getur maður fengið áunna sykursýki með því að borða mikið af einföldum kolvetnum? Það er ekkert, helvítis próteinið drepur. Er það ekki?

Svo er það fitan. Snakkpoki. Hvítlaukssmjör (og mikið af því). Smjördeig (skinkuhorn anyone?). Örbylgjupopp, sem reyndar er hressandi blanda af einföldum kolvetnum, transfitusýrum og salti. En ekkert prótein samt. Hjúkk.

Auðvitað set ég þetta upp á öfgakenndan hátt. Það er bara miklu skemmtilegra. En margir eru svolítið smeykir við prótein. Til dæmis læknaneminn. Því skulum við aðeins kíkja á þetta skemmtilega. Staðreyndirnar.

Hvers vegna þurfum við annars prótein? Við þurfum það til að byggja upp vöðva, og munið að stærri vöðvar stuðla að hærra brennslustigi, sem og margar amínósýrur í próteinum eru nauðsynlegar fyrir heilastarfsemi. Líklega er það notað í aðra líkamsstarfsemi, en ég er enginn próteinsérfræðingur og ætla því ekki að hætta mér út í frekari greiningar. Svo hjálpar prótein okkur með mettun, þ.e. að finnast við vera södd. Það fer nefnilega hægt út í blóðrásina, heldur þannig blóðsykrinum í jafnvægi til viðbótar. Allt mjög gott.

Hversu mikið prótein þarf maður á hverjum degi? Það er einstaklingsbundið auðvitað, fer eftir þyngd, stærð, kyni og magni hreyfingar. Tölum bara um meðalJón og meðalJónu til einföldunar. Gamlar kreddur vilja meina að konur þurfi um 60 gr. Karlar eitthvað meira, kannski um 80 gr. Nýrri fræði benda á 75-125 gr fyrir konur og 100-150 gr fyrir karla. Munur á gömlu og nýju viðmiðunum gæti kannski verið sá að í þeim gömlu gæti hafa verið miðað við lágmarksskamt en í þeim nýju við æskilegan skammt. Ég veit það ekki. Alla vega treysti ég nýrri og betur rannsökuðum viðmiðum betur.

En er hægt að fá of mikið prótein? Ef svo, hvað gerist þá? En já, það hlýtur að vera hægt að fá of mikið prótein. Það eiginlega segir sig sjálft. Allt er best í hófi. Líkaminn þarf á sínum kolvetnum og fitu að halda. Þá er það afgreitt. En svo er annað mál, það er býsna erfitt að fá of mikið af próteini nema maður smjatti á hreinu próteindufti allan daginn. Tökum dæmigerðan matseðil:

Morgunmatur – seríos með mjólk – kannski 5 gr prótein, mest úr mjólkinni og smávegis úr seríosinu.
Morgunsnarl – lítil skyrdós – 10 gr af próteini.
Hádegismatur – Steiktur fiskur og meðlæti í mötuneytinu – líklega um 35 gr prótein í fiskinum.
Miðdegissnarl - brauðsneið með sultu og osti – jú, segjum bara 5 gr prótein til að einfalda málið þó magnið sé líklega minna.
Kvöldmatur – Hakk og spagettí – ef menn hafa hakkið meira en spagettíið geta þeir kannski farið upp í 15-20 gr af próteini.
Kvöldsnarl – Popp – 0gr prótein.

Úr þessum matseðli, þar sem ég reyndar setti próteinríka máltíð bæði í hádeginu og um kvöldið (hakkið allavega), fær maður 75 gr af próteini. Undir viðmiðunarmörkum fyrir bæði kynin. Menn þurfa því að leggja sig töluvert fram við að fara langt fram yfir viðmiðunarmörkin. Sjálfur tek ég tvo próteinsheika á dag en þarf samt oft að ströggla upp í mín 100 gr. Því er mjög erfitt og ólíklegt að óverdósa af próteini, ekki satt?

En hvað gerist svo ef við fáum ekki nóg prótein, þ.e. náum ekki þessum viðmiðunarmörkum? Vöðvar rýrna, svo mikið er víst. Þeir rýrna þar til jafnvægi kemst á milli vöðvastærðar og próteininntöku. Athuga skal að próteinskortur er vel þekktur sjúkdómur og hrjáir einhverja. Aðallega konur skilst mér. Líka er gott að benda á að vöðvarnir þurfa prótein allan daginn. Það dugir ekki að próteinsvelta líkamann allan daginn og borða svo fjögur ýsuflök hjúpuð með próteindufti um kvöldið. Umframpróteinið breytist bara í umframorku sem fitufrumurnar gleypa í sig og stækka. Ekkert gott við það.

Að lokum skal þó benda á eitt. Nýrun vinna úr próteini. Gera það vel ef þau starfa vel. En ef mikið ólag er á nýrum þá tekst þeim illa að vinna úr miklu próteini. Við mikla próteininntöku getur myndast of mikið álag á nýrun. Þetta er alveg vitað. Um nýrnasjúklinga. Fólki með lungnabólgu er ráðlagt að vera ekki úti. Ekkert óeðlilegt við það. Heilbrigt fólk má hins vegar alveg borða prótein útá víðavangi. Líkaminn þarf meira að segja á slíku að halda.


Sem sagt. Prótein er hollt. Líklega er hægt að fá of stóran skammt af próteini ef menn leggja sig verulega fram. En skrambi virðist það erfitt, og þar með ólíklegt. Of lítið prótein virðist hafa miklu verri áhrif. Slíkt ástand virðist líka miklu algengara.


Hvað eigum við þá að gera? Æskilegast er að fá eitthvað prótein í hverja máltíð. Kotasælu, skyr, ost, baunir, túnfisk, kjúkling, kjöt, próteinsheik eða próteinstangir í öll mál. Það er ekkert hættulegt. Kannski er það engin tilviljun að þetta kallis PRO-tein.

Skál í skyr.

Er bókhaldið í lagi?Ævar Þórólfsson

"Ég sprikla eins og brjálæðingur en samt gerist ekkert!". Þetta heyrist nokkuð oft hjá fólki sem vill létta sig. Það tekur ræktina mjög alvarlega. Hreyfing er sögð eiga að létta mann. Því hlýtur að vera nóg að massa ræktina, sprikla bara pizzuna af sér.
 
Vandamálið er hins vegar stærra. Þetta gengur ekki upp. Í raun þarf ekki nema hina einföldustu grunnskólastærðfræði til að kolfella þessa hugsun. Jarða hana.

Auðvitað er hreyfing mikilvæg. Ekki misskilja mig. Hreyfing byggir upp þol og vöðva og er gríðarmikilvæg fyrir framtíðarþyngdarstjórnun. En ef markmiðið er að grennast töluvert á skömmum tíma hefur hreyfing takmörkuð áhrif. Svona 30% eða svo. Rannsóknir sýna að við þyngdarstjórnun má yfirleitt nefna skiptinguna 60-30-10. Þetta stendur fyrir að næring hefur 60% áhrif, hreyfing 30% og hvíld 10%. Svona um það bil. Auðvitað er þetta einstaklingsbundið eins og allt annað. En þetta er grófa myndin. Þarna sést því að þó maður taki ræktina alvarlega þá nær maður eingöngu 30% árangri. Þetta er töluverð einföldun, en það má líta á þetta svona.

En snúum okkur þá að grunnskólastærðfræðinni. Létt skokk í hálftíma á hlaupabretti brennir um 280 hitaeiningum. Svona um það bil, alla vega. Gefum okkur þessa tölu til einföldunar. Hvað ætli eitt Snickers, sem ágætis hluti þjóðarinnar leyfir sér í eftirrétt eftir hádegismat, sé margar hitaeiningar? Viti menn, 280 stykki. Hálftímaskokk jafnað við jörðu. Gott og vel, sá sem tekur skokkið og Snickers kemur út á jöfnu. Hann þyngist alla vega ekki. En takmark um grenningu næst seint. Þetta snýst bara um plús og mínus. Debet og kredit. Líkaminn heldur nákvæmt bókhald yfir þetta. Það versta er að það þarf að vinna svo mikið fyrir debetinu. Kreditið kemur mjög auðveldlega hins vegar. Lítum á nokkur dæmi:

Ein bjórdós = 150 hitaeiningar.
½ líter af kók = 225 hitaeiningar.
Tvær sneiðar af pizzu (stór pepperoni veisla frá Dominos) = 732 hitaeiningar.
Tvær sneiðar af pizzu (stór Hawaian frá Dominos) = 623 hitaeiningar.
Einn kjúklingabiti (bringa) frá KFC = 370 hitaeiningar.
Einn Big Mac = 590 hitaeiningar.
Einn lítill skammtur af frönskum á McDonalds = 249 hitaeiningar.
Einn poki af venjulegum kartöfluflögum (227 grömm) = 1242 hitaeiningar.
Og svo framvegis.
Og svo framvegis.
(Upplýsingar fengnar á www.nutritiondata.com) 

Eins og sést er rosalega auðvelt að koma sér upp hressum kreditreikningi. Auðvitað borða fáir mikið af þessu á hverjum degi. Aðalatriðið er að þessi litlu mistök á hverjum degi, eitt Snickers hér, ein kók þar, nokkrar kartöfluflögur um kvöldið, bara smá kokteilsósa með fiskinum eða hvað það nú er, geta verið svo dýr. 

Annað er mikilvægt að leggja áherslu á. Þetta snýst ekki bara um óhollustuna eins og dæmin að ofan gefa til kynna. Þetta snýst líka um venjulegan mat. Stundum er magnið af honum bara of mikið. Fá sér aftur á diskinn. Smá aukaskammtur af hrísgrjónum. Nartað á meðan maður eldar. Kreditið er fljótt að safnast upp. Aðeins of mikið kredit á hverjum degi safnast upp. Þeim mun meiri áhersla þarf að vera á debetið. En það er ekki hægt að skokka allan daginn.

Algeng mistök eru að halda að þegar maður byrjar að æfa þá getur maður leyft sér meira í matarmálum. Þetta gengur ekki upp ef markmiðið er að grennast. Ef inntöku, sem hafði áður leitt til þyngdaraukningar, er haldið stöðugri þegar byrjað er að æfa þá er hægt að grennast. Mun betra er þó að breyta inntöku, þá gengur þetta hraðar. Það gengur hins vegar lítið ef maður eykur inntöku.

You are what you eat. Þannig er það bara. Borðaðu mikið og þú verður mikill. Borðaðu minna og verður minni. Þetta snýst allt um að hafa jafnvægi í bókhaldinu.

Er bókhaldið í lagi?

Heilsa og tekjur!Ævar Þórólfsson

Þarftu að bæta heilsuna? Hafðu samband! Vantar þig smá pening? Hafðu samband!

Vildi bara láta vita af þessu inn á milli heilsupistlanna.

Ef þig vantar að bæta heilsuna þá get ég hjálpað með því að bjóða þér frábæra næringu, því Herbalife vörurnar eru ekkert nema bara næring sem hægt er að nota til að létta sig, þyngja sig eða bara bæta heilsuna.

Ef þig vantar smá tekjur, endilega hafðu samband og ég skal sýna þér hvernig þú getur haft tekjur af því að dreifa Herbalife vörum í kringum þig. Þetta er í raun voða lítið mál, það helsta sem maður gerir er að tala við vini og kunningja um vöruna og þá fær maður viðskiptavini og tekjur samfara því.

Sendu mér skilaboð hér eða t.d. fylltu út heilsuskýrslu hér www.heilsufrettir.is/berglindogaevar/healthapplication og ég mun hafa samband og gefa þér þær upplýsingar sem þú þarft til að geta tekið ákvörðun um þetta.

Ok? Allir í stuði? Heldur betur!